Nasamdan ang usa ka lalaki human maaksidente ang motorsiklo nga iyang gisakyan sa Barangay Comunal, Liloy, Zamboanga del Norte niadtong Hunyo 24.
Rumesponde dayon ang Emergency Medical Services personnel sa Liloy Municipal Fire Station ug ilang nakit-an ang pasyente nga nakalingkod pa sa motorsiklo ug adunay mga samad sa suwang ug wala nga bitiis, lakip ang gagmay’ng mga garas sa ubang bahin sa lawas.
Sumala sa mga responder, namatikdan usab ang baho sa alkohol sa gininhawa sa pasyente atol sa ilang inisyal nga assessment sa maong insidente.
Gihatagan dayon og first aid ang pasyente ug gidala sa Liloy Integrated Health District Hospital alang sa dugang nga pagtambal ug medikal nga pag-atiman.(JENIFFER JR. DELICA)
Source: BFP R9 Liloy Fire Station