Usa ka Memorandum Of Agreement (MOA) ang gipirmahan tali na sa kagamhanang lokal sa dakbayan sa Dapitan ug Police Protection and Security Group (PSPG) aron sa pagpahimutang sa Regional Satellite Office.
Si PBGen Ferdinand Sifuentes, PSPG, Director ug Mayor Rosalina G. Jalosjos ang nagpirma sa usa ka kasabutan sa pagpahiluna og satellite office diin nagabase ang rehiyonal nga buhatan sa dakbayan sa Zamboanga.
Alayon sa MOA mao ang 300 metros kwadrado nga luna aron maoy pagatukoran sa nasangpit nga buhatan nga gisuportahan usab sa usa ka resolusyon sa Sangguniang Panlungsod sa syudad.
Nagkanayon si PCol. Glenn Macario Dulawan, Regional Chief PSPG IX, nga tumong sa pagpahimutang sa regional extension office aron mapahalapdan ang paghatag ug proteksyon sa mga VIPs o mga bisita sa probinsya sa Zamboanga del Norte ilabina kay ilado ang Dapitan nga usa ka tourist destination ug daghanan ang mga dagko ug ilado nga mga personalidad nga modu-aw sa lalawigan.
Ang Police Security and Protection Group (PSPG) usa ka National Support Unit sa kapolisan nga naghatag ug proteksyon sa mga indibidwal, bisita ug dagkong mga personalidad nga nagkinahanglan sa ilang serbisyo.
(Source: City Information Division-CID-Dapitan Facebook page)