Nagpundok ang Municipal Nutrition Council (MNC) sa Salug alang sa ilang ikaduhang quarterly meeting aron susihon ang kahimtang sa mga nagpadayon nga programa sa nutrisyon ug pagplano sa mas epektibong pamaagi sa pagpalapad sa mga serbisyo sa komunidad.
Sa maong miting, gituki sa mga miyembro gikan sa nagkalain-laing ahensya ang mga nahimong kalampusan ug mga hagit sa implementasyon sa mga nutrition programs, kauban ang paghisgot sa mga lakang nga angay buhaton aron mas mapalambo ang delivery sa serbisyo ilabina sa mga pinaka-vulnerable nga sektor.
Gipasiugda sa konseho ang kahinungdanon sa lig-on nga koordinasyon sa tanang opisina ug stakeholders aron masiguro nga ang mga inisyatibo sa nutrisyon magpadayon ug makab-ot ang tinuod nga epekto sa katawhan.(IKEN B. GULLEM)
Source: Municipality of Salug