Gipahigayon sa City Government of Dipolog ang miting uban sa mga Punong Barangay ug mga representante sa 21 ka barangay niadtong Marso 10, 2026 sa Social Hall sa City Hall sa Dipolog City, Zamboanga del Norte.
Gihisgutan sa miting ang pagpalig-on sa implementasyon sa Incident Command System sa lebel sa barangay ilabi na panahon sa kalamidad ug dagkong kalihokan, lakip na ang mga preparasyon alang sa mga relihiyosong aktibidad sa umaabot nga panahon sa Kwaresma.
Apil sa gihisgutan ang preparasyon sa Katkat Sakripisyo Via Crucis Novena nga ipahigayon karong Abril 3, 2026 sa Linabo Peak, nga nailhan sa 3,003 ka hagdanan.
Gipangulohan ang miting ni Acting CDRRM Officer Felipe T. Mangila ug City Legal Officer Atty. Goldie Love Poculan-Gonzales uban sa presensya sa City Tourism Office isip kabahin sa koordinasyon alang sa kaluwasan ug kaandaman sa mga kalihokan.(JENIFFER JR. DELICA)
Source: Dipolog City Government