Gipahigayon sa 97th Infantry Battalion sa Philippine Army ang After Activity Review sa Inter-Agency Territorial Defense Operations Exercise 01-2026 niadtong Marso 11 sa Camp Domingo C. Sagario.
Gihisgutan sa kalihokan ang dagan sa simulation exercise nga gipahigayon niadtong Pebrero 27 sa mga lungsod sa Manukan, Zamboanga del Norte, Jose Dalman, Zamboanga del Norte, Roxas, Zamboanga del Norte, Katipunan, Zamboanga del Norte ug Dipolog City, Zamboanga del Norte, aron mapalambo ang koordinasyon sa lain-laing ahensya sa territorial defense operations.
Gipangulohan ni Lt. Col. Jessie G. Bergonia ang maong review samtang gipasiugda ni Col. Mandy T. Libertino ang kamahinungdanon sa padayon nga kolaborasyon tali sa militar ug mga ahensya sa gobyerno alang sa kaluwasan ug proteksyon sa komunidad.
Sa pagtapos sa kalihokan, gihatagan og plaque of appreciation ang mga ahensyang miapil lakip ang Provincial Government of Zamboanga del Norte ug ubang opisina sa probinsya tungod sa ilang kontribusyon sa KALASAG-Zamboanga del Norte Territorial Defense Exercise.(JENIFFER JR. DELICA)
Source: Zamboanga del Norte Provincial News Network