ZAMBOANGA DEL NORTE – Nakab-ot sa mga Rural Health Units sa Siayan, Jose Dalman, Mutia ug Sirawai ang mas taas nga lebel sa serbisyong panglawas alang sa kabatan-onan human sa gihimong ebalwasyon sa Department of Health IX.
Nagpasabot kini nga napalig-on ang serbisyo pinaagi sa kumpidensyal, dili mapihigon, ug angay nga pag-atiman sa mga batan-on, lakip ang presensya sa trained personnel ug mga programa sa komunidad ug eskwelahan.
Samtang niini, ang Manukan, Sergio Osmeña, Salug ug Godod nag-andam alang sa sunod nga lebel sa assessment aron mas mapalambo pa ang ilang health services.
Padayon ang paningkamot sa DOH ug lokal nga pangagamhanan sa pagpausbaw sa serbisyo aron masiguro ang kaayohan sa kabatan-onan sa probinsya.(JENIFFER JR. DELICA)
Source: Zamboanga del Norte Provincial News Network