Gisugdan na sa Zamboanga del Norte 1st Provincial Mobile Force Company ang unang adlaw sa Motorcycle/Small Engine Servicing NC II Training Program ubos sa proyektong “Ayos Makina, Ayos Buhay.”
Gipangunahan sa R-PSB team ang kalihokan diin gitun-an sa mga partisipante ang batakang kahibalo ug praktikal nga pamaagi sa pag-ayo ug pagmintinar sa motorsiklo ug gagmay’ng makina.
Gihatagan og lecture ug hands-on training ang mga mitambong aron mapalambo ang ilang teknikal nga kahanas nga magamit sa panginabuhian.
Kabahin kini sa paningkamot sa kapulisan sa paghatag og livelihood opportunities ug pagpalig-on sa komunidad pinaagi sa skills development.(JENIFFER JR. DELICA)
Source: Zamboanga del Norte 1st Provincial Mobile Force Company