Human sa daghang katuigan sa matinud-anong pag-alagad sa publiko, gihatagan ug pasidungog sa City Government of Dipolog ang mga retiradong empleyado sa gobyerno sa usa ka espesyal nga programa kaniadtong nilabay nga adlaw sa Social Hall sa Museo Dipolog.
Gipadayag ni Vice Mayor Senen O. Angeles ang pasalamat sa mga retirado ug gidayeg ang ilang dedikasyon sa pag-alagad sa katawhan, samtang gipasiugda ni Mayor Roberto Y. Uy ang ilang dakong papel sa pagtubo ug kalamboan sa siyudad.
Isip pag-ila, gipanghatag ang mga award sa mga retirado ingon man sa ilang mahinundanong pa alagad, dugang pa, gihatagan usab ug posthumous awards ang mga pamilya sa namayapang kawani nga mipadayon sa pag-alagad sa publiko. Gipahayag sa Mayor nga ang serbisyo sa gobyerno usa ka bokasyon ug panawagan.
Naghatag ug mensahe sa pasalamat ang retiradong si Rosemarie P. Miranda ug si Donna June A. Velasco alang sa usa ka posthumous awardee. Natapos ang programa ni City Councilor Harrison T. Young, nga mi-awhag sa kasamtangang mga empleyado nga magpadayon sa matinud-anong pagserbisyo.(IKEN B. GULLEM)
Source: Dipolog City Government