Mapasalamaton ug mapasigarbuhon nga gidawat sa Mandaue City ang CROWN Award – Top 8 atol sa National Nutrition Awarding Ceremony nga gihimo sa Centennial Hall, The Manila Hotel, kagahapon. Desyimbre 15, 2025.
Ang maong award gihatag isip pag-ila sa talagsaong paningkamot sa siyudad sa pagpalig-on sa mga programa sa nutrisyon alang sa katawhan. Ang award igahatag ni Secretary Juan Edgardo M. Angara, miyembro sa NNC Governing Board ug gikan sa Department of Education, nga girepresentar nila Assistant Secretary Roger B. Masapol, Dr. Joshua G. Brillantes, Regional Director sa DOH Central Visayas Center for Health Development, ug Dr. Parolita A. Mission, Nutrition Program Coordinator sa NNC Region VII.
Sa ngalan sa Mandaue City, midawat sa award sila Hon. Raul Kevin Cabahug, Vice SP Committee on Health; Dr. Debra Maria Catulong, City Health Officer; ug Dr. Jake Ian P. Seno, City Nutrition Action Officer.
Kini nga kadaugan nagpakita sa lig-on nga pagdumala sa lokal nga panggamhanan ug sa ilang dedikasyon sa pag-atiman sa nutrisyon ug kahimsog sa mga Mandauehanon. Usa kini ka dakong pasidungog ug inspirasyon sa padayon nga pagpalambo sa mga programa para sa kaayohan sa tanang katawhan.
Source: NNC-7
I via Renante Socia Lada