Usa ka Poster Making Contest ang gipahigayon sa mga personahe sa Kalawit Municipal Fire Station, alang sa mga tinun-an sa Kalawit National High School, niadtong Marso 9,2026.
Ang maong aktibidad gihimo ubos sa pagpangulo sa Station Commander sa Kalawit MFS nga si SFO2 Archer M. Taman, subay sa selebrasyon sa COMRESS Week nga adunay temang: “Hangad Nating Lahat, Pamayanang Handa, Aktibo at Masagana.”
Tumong niini mao ang pagpasiugda ug kaamgohan sa kaluwasan sa sunog ug pagpugong sa mga kabatan-onan nga usa ka pagpadasig kanila sa pagpadayag sa ilang pagsabot ug pagsuporta sa komunidad nga luwas sa sunog pinaagi sa mga mamugnaong artworks.
Kalabot sa pag-obserbar sa Fire Prevention Month, ang Bureau of Fire Protection padayong nagpahinumdom sa publiko nga magpraktis sa fire safety measures sa tanang panahon.
Alayon niini nga malikay sa sunog pinaagi sa pagsunod sa yano apan responsable nga mga aksyon sulod sa matag panimalay ug trabahoan.
Sa katapusan ang Kalawit Municipal Fire Station nagpaabot sa ilang bug-os nga pasalamat ug pahalipay sa tanang partisipanteng mga estudyante sa ilang pagkamamugnaon sa kadasig, ug suporta sa komunidad sa pagpasiugda sa siguridad sa sunog.(MEDALYN U. BORJA)
Source: BFP Kalawit MFS