Gidawat sa Lokal nga Panggamhanan sa Piñan ang mga donasyon gikan sa Children’s International Philippines Incorporated, Zamboanga del Norte Association of Illinois ug Dipolog Youth Club niadtong Hulyo 15 aron dugang nga masuportahan ang mga Piñananon.
Gipahigayon ang ceremonial turnover sa mga hinungdan isip kabahin sa paningkamot sa mga kaabag nga organisasyon sa paghatag og tabang ug suporta sa komunidad sa Piñan.
Gipasiugda ni Mayor Rommel Gudmalin nga ang maong inisyatiba nagpakita sa bili sa panaghiusa ug panagtinabangay sa mga organisasyon aron mapalig-on ang kaayohan sa komunidad ug mapauswag ang kinabuhi sa mga Piñananon.
Nagpasalamat ang lokal nga panggamhanan sa tanang organisasyon nga mitampo sa maong programa ug nagpahayag og paglaom nga magpadayon ang ilang panag-uban sa pagpatuman og dugang pang mga inisyatiba alang sa kaayohan sa katawhan.(JENIFFER JR. DELICA)
Source: Mayor Rommel Gudmalin