Gibansay sa Department of Agrarian Reform o DAR ang mga opisyal ug miyembro sa Cabong Tampilisan Multi-Purpose Cooperative o CATAMCO pinaagi sa Cooperative Management and Governance Seminar nga gihimo sa Barangay Cabong Covered Court sa Tampilisan, Zamboanga del Norte.
Gipangunahan sa DAR Provincial Office ubos ni Provincial Agrarian Reform Program Officer II Daisy Dell Suan Digamon ug sa DAR Municipal Office sa Tampilisan ubos ni MARPO Peter Paul R. Cajocon ang maong seminar aron mapalig-on ang kahibalo sa mga miyembro sa hapsay ug transparent nga pagdumala sa kooperatiba.
Gihisgutan sa maong kalihokan ang organisasyonal nga pagpangulo, pagdumala sa pondo ug responsibilidad sa mga miyembro aron masiguro ang lig-on ug malungtarong operasyon sa kooperatiba.
Sumala sa DAR, kabahin kini sa ilang padayon nga paningkamot sa pagpalig-on sa mga organisasyon sa mga benepisyaryo sa agrarian reform ug sa pagpalambo sa panginabuhian sa mga komunidad sa kabanikanhan.(JENIFFER JR. DELICA)
Source: DAR Zamboanga del Norte Province