Gibisita sa mga opisyal sa syudad ug stakeholders ang Dipolog School of Fisheries sa Barangay Olingan, Dipolog City niadtong Agosto 20, 2025.
Gipangulohan ni Mr. Licino G. Lañojan, Vocational School Administrator lll sa DSF ang guided tour sa mga building ug pasilidad sa skwelahan ug mitambong sa pagbisita sila si OIC-City Administrator Atty. Valerie Hope Jauculan-Flores, Acting City Legal Officer Atty. Goldie Love P. Gonzales, OIC-City ENRO Atty. Gratian Paul T. Tidor, City Tourism Officer Ms. Cecil R. Bilog, Atty. Elro Tabiliran sa City Legal Office, ug Business Permits and License Division Chief Ms. Viola A. Pino.
Tumong sa maong pagbisita ang pagpangita og oportunidad sa kolaborasyon tali sa DSF ug lokal nga pamunuan aron mapalig-on ang edukasyon sa mga estudyante ug ang programa sa eskwelahan.
Pinaagi sa personal nga pagbisita, mas nasabtan sa mga opisyal ang kapasidad sa eskwelahan ug unsaon pagpalambo ang mga programa alang sa mga estudyante ug komunidad.(Jumalisa Papa)
Source: Dipolog City Government