Miabot sa 300 mil ka pesos ang giabot sa pag ugmad gikan pa 2022,ang na harvest sa mga miyembro sa Upper Piao Farmers Association sa Sindangan, Zamboanga del Norte.
Ang maong buhat usa ka tinubdan gikan pa sa paglingkod,hangtod karon sa Gobernador ning lalawigan sa Zamboanga del Norte nga si Governor Rosalina “Nanay Nene” Jalosjos sa iyang ZNAg Veggie Negosyo Program.
Ang Upper Piao Farmers Association adunay 29 ka myembro ug 20 lamang ang aktibo nga nagkugi sa pag-ugmad sa 2 ka ektaryang luna diin ang pag harvest gipangulohan ni Assistant Provincial Administrator,Mr. Aurelio J. ‘Tata’ Monteclaro, ug Ms. Bustaliño ang Harvest Festival kauban ang mga miyembro sa maong asosasyon.
Si Upper Piao Farmers Association,President ,Bienvenido Bercasio ang nihatag ug kasayuran ubos sa buhatan sa Office of the Provincial Agriculture (OPAg) nga gipangulohan ni Ms. Maybel Bustaliño, Provincial Agriculturist,atol sa Turn-over of Agricultural Support nga gipahigayon didto sa Covered Court, Piao, Sindangan,ZDN.
Sa mensahe ni Bercasio sa Gobernador ning probinsya sa Zamboanga del Norte nga si Governor “Nanay Nene” Jalosjos, siya nipadayag ug pasalamat sa pag hatag ug water pump nga maoy nagsilbi, nga musuyop sa tubig gikan sa suba padulong sa ilang pananom diin saysay pa niya nga nakatigom sila ug 140 mil ka pesos sa nakalabay nga tuig sa una nilang tanom nga kalabasa ug sibuyas, ug kapin sa 200 mil ka pesos usab ang natigom nila sa produktong talong ang ilang kasamtangang na harvest karon, sa pulo na kahugna.
Gipasalamatan usab ni Bercasio ang buhatan sa agrikultura pinaagi ni OPAg Coordinator,Ms. Carmen Putian, OPAg Coordinator Sindangan ug Siayan nga gikan sa probinsya nga maoy nigiya kanila sa makanunay.
Ilawom sa pagdumala sa OPAg adunay 11 ka ZNAg Farmers Association sa pagkakaron ang lungsod sa Sindangan ZDN. (Medalyn U. Borja)
(Source: Provincial Government of Zamboanga del Norte)
