Nakadawat sa ilang 2nd Quarter Social Pension ang mga indigent senior citizens sa lungsod sa Gutalac atol sa payout nga gipahigayon sa Local Government Unit (LGU) niadtong Hulyo 2.
Gipangulohan ni Municipal Mayor Eddie Justin Quimbo uban ni Municipal Vice Mayor Aljohn Garzon ang maong kalihokan, nga nagtumong sa paghatag og pinansyal nga suporta sa mga kwalipikadong senior citizens aron matabangan sila sa ilang adlaw-adlaw nga panginahanglan.
Sumala sa LGU Gutalac, ang social pension usa ka pamaagi sa paghatag og pag-ila ug pagpasalamat sa mga tigulang nga adunay dakong nahimong kontribusyon sa pag-uswag sa komunidad, samtang gisiguro usab nga sila makadawat sa angay nga suporta gikan sa lokal nga panggamhanan.
Pinaagi sa maong programa, nagpadayon ang LGU Gutalac sa pagpalig-on sa mga serbisyo alang sa mga senior citizens isip kabahin sa ilang adbokasiya sa pag-atiman sa sektor nga nanginahanglan og dugang nga suporta.(IKEN B. GULLEM)
Source: LGU Gutalac- Public Information