Gipahigayon sa City Environment and Natural Resources Office (CENRO) ang usa ka edukasyonal nga pagbisita sa Cogon Eco-Tourism Park alang sa mga estudyante gikan sa Grade 1 hangtod Grade 10 sa Dipolog Community School, Inc. niadtong Septyembre 2, 2026.
Kini nga kalihokan naghatag og pagtudlo sa dako nga importansya sa maong parke isip usa sa mga “baga” sa siyudad nga naghatag og preskong hangin ug nagbalanse sa kinaiyahan.
Gipakita usab kanila ang nagkalain-laing matang sa tanom ug mga mananap nga nagpuyo dinhi, ug ang kadagaya sa kinabuhi nga nagpadayon sa maong dapit.
Pinaagi niini nga mga programa, gilauman nga mas mapalambo sa kabataan ang ilang pagrespeto, pag-atiman ug pagbati sa responsibilidad alang sa kinaiyahan, aron sila mismo mahimong kabahin sa pagpanalipod sa mga natural nga bahandi sa siyudad.(MEDALYN U. BORJA)
Source: Dipolog ENRO