27.2 C
Manila
Friday, March 29, 2024

Dipolog: Mga Edaran sa barangay Estaka nakadawat pud ayuda

- Advertisement -

“Ayaw pilia ang mga tawo nga nanginahanglan sa hinabang,” kini ang dili mahikalimtan ni PSWD Officer Dr. Jose Mante nga mensahe gikan kang Governor Rosalina “Nanay Nene” Jalosjos sa unang adlaw sa panglingkod isip gobernadora ning lalawigan.

Kini ang gibutyag ni Dr. Mante atol sa paghatag ayuda sa mga senior citizens sa Barangay Estaka ning dakbayan sa Dipolog nga gipahigayon sa Zamboanga del Norte Convention and Sports Center.

Giklaro ni Dr. Mante nga sa kaniadtong nakalabay nga mga bulan naigo sa kalamidad nga pagbaha ang dakbayan sa Dipolog diin, naglisod ang kagamhanang probinsyal sa pagpakig-coordinate sa LGU Dipolog kon pipila ang mga na-biktima aron mahatagan sa hinabang.

“Niini, dili babil o babag ang sitwasyon kon relasyon karon sa Dipolog ug probinsya tungod kay wala gayod magmakuli si Governor Jalosjos nga tabangan ang taga Zamboanga del Norte nga walay pagpihig ug bulok sa politika basta ang tawo nagkinahanglan sa tabang”, dugang ni Dr. Mante.

Nanghinaot usab ang opisyal sa PSWD ngadto sa mga senior citizens nga matabangan ang administrasyong Jalosjos nga mapakunhod ang kaso sa sexual abuse ug teenage pregnancy.

Tungod kay adunay bag-ong kaso karon ning lalawigan nga adunay 3-anyos nga batang babaye, ang gikataho nga gilugos sa iyang apohan.

Gihagit ni Dr. Mante ang mga senior citizens nga maghimo og mga lakang alang sa kaayuhan sa pamilya, silingan o sa komunidad sanglit, si Dr. Pepe mismo nga usa na ka senior citizen apan nagalihok ug naningkamot nga mo-serbisyo sa katawhan bisan sa iyang pangidaron.

Samtang si Ms. Jane Leopoldo, Chief of Staff sa Nanay Nene Ayuda Center, ang namahayag usab nga ang “alang sa katawhan, ihatag pagbalik sa katawhan”.

Lakbit saysay ni Ms. Jane nga tungod kay si Governor Jalosjos usa na usab ka senior citizen ug mabati sa inahan ning probinsya ang panginahanglanon sa mga katiguwangan.

Kalambigit niini, mokabat sa 300 ka mga containers sa biscuits ug bitamina ang gi-apod-apod sa mga senior citizens nga nagsaulog sa adlaw nga natawhan sugod sa bulan Enero-Agosto sa Barangay Estaka.

Si Engr. Bong Ortega nagpasalamat sa Nanay Ayuda Program diin, ang biscuits ug bitamina dako kaayo nag-ikatabang sama kanilang mga senior citizens.

Source:PIC Zanorte

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -