Gipahibalo karon sa kagamhanang lokal sa Dipolog sa pagdumala ni Mayor Darel Dexter T. Uy, ngadto sa publiko ang pagbalhin sa pipila ka mga buhatan nga kanhi nahimutang sa Dipolog City Boulevard ngadto sa bag-ong City Hall.
Alang sa dunay mga transaksiyon nga pagahimoon ngadto sa mga buhatan sa City Civil Registrar, City Treasurer’s Office-License and Fees Division, License and Permits Division ug City Population and Management Office (POPCOM), kini ang mibalhin na didto sa City Hall Building karong semanaha, lakip na sa mga buhatan sa City Agriculture ug City Environment and Natural Resources Office, kinsa unang mibalhin niadto pang nakalabay nga semana.
Samtang ning pagbalita, ang Office of the Building Official (OBO), City Health Office –Sanitation Division ug City Information Office, ang nagpabilin pa gihapon sa na-andang lokasyon sa 2nd floor sa Commercial Building B Complex, apan sa dili madugay, gikalatid usab nga mobalhin ngadto sa bag-ong buhatan niini didto sa City Hall.
Subay niini, gi-awhag kadtong mga adunay tuyo o transaksiyon sa nahisgutang mga buhatan sa unahan nga modiretso na lamang didto sa bag-ong City Hall alang sa ilang mga katuyoan.
(Source: Dipolog City Government Facebook page)
