Nakadawat og payout ang mga benepisyaryo sa “Walang Gutom” Program atol sa UPLIFT Payout nga gipahigayon niadtong Agosto 6, 2026, sa Perfecto C. Cebedo Cultural and Sports Center sa Rizal, Zamboanga del Norte.
Ang UPLIFT, o Unified Package for Livelihoods, Industry, Food, and Transport, usa ka programa nga naghiusa sa nagkalain-laing suporta sa gobyerno alang sa mga kabus, near-poor, ug low-income families. Gitukod kini ubos sa Executive Order No. 110 aron mapanalipdan ang mga pamilyang nanginahanglan batok sa mga epekto sa global economic pressures ug domestic energy emergency.
Pinaagi sa maong payout, gihatagan og pinansyal nga suporta ang mga kwalipikadong benepisyaryo aron matabangan sa ilang adlaw-adlaw nga panginahanglan ug mapalig-on ang ilang kahimtang sa panginabuhi. Gipasiugda usab sa Lokal nga Pangagamhanan sa Rizal, ubos sa pagpanguna ni Mayor Marissa D. Manigsaca, ang suporta niini sa mga programa sa national government alang sa mga pamilyang nanginahanglan.
Padayon ang koordinasyon sa national ug local government sa pagpatuman sa mga programa nga nagtumong sa paghatag og konkretong tabang ug proteksyon sa mga pamilyang Rizalnon, ilabina sa mga panimalay nga anaa sa kalisod ug nanginahanglan og dugang nga suporta.(JENIFFER JR. DELICA)
Source: Municipality of Rizal