Mitambong ang mga personnel sa Dipolog City Fire Station sa unang coordination meeting alang sa Inter-Agency Territorial Defense Operations Simulation Exercise in Urban Terrain nga gipahigayon sa Museo Dipolog niadtong Hulyo 7.
Kabahin sa maong tigom ang Bureau of Fire Protection ubos sa pagpanguna ni FSINSP Aprilyn B. Barbaso, Acting City Fire Marshal, uban sa ubang partisipanteng ahensiya aron hisgutan ang plano sa operasyon, mga responsibilidad ug koordinasyon alang sa malampusong simulation exercise.
Gilauman nga mapalig-on pinaagi sa maong inisyatiba ang panagtinabangay sa nagkalainlaing ahensiya ug ang ilang kahandam sa pagtubag sa mga emerhensiya ug uban pang sitwasyon nga nagkinahanglan og hiniusang operasyon.
Sumala sa mga organisador, ang maong koordinasyon kabahin sa padayon nga paningkamot sa pagpalambo sa interoperability, preparedness ug kaluwasan sa publiko pinaagi sa hiniusang pagplano ug kooperasyon.(JENIFFER JR. DELICA)
Source: BFP R9 Dipolog City Fire Station