Daling mitubag ang BFP Sinuyak Fire Sub-Station, nga gipangulohan ni SFO1 Lloyd C. Pongan, Acting Sub-Station Commander, ubos sa pagdumala ni FINSP Richard A. Parame, Acting Municipal Fire Marshal, KMFS, sa usa ka medical emergency nga nahitabo sa Purok 1, Barangay Sinuyak, Katipunan, Zamboanga del Norte.
Alas 6:42 (1842H) sa gabii niadtong Agosto 29, sa dihang miabot ang mga responding personnel sa lugar. Gisiguro dayon nila ang kaluwasan sa palibot ug nagsul-ob sa hustong Personal Protective Equipment (PPE). Nakaplagan ang pasyente nga nahibalo ug responsive samtang anaa sa daplin sa dalan. Nakamatikod usab ang mga responder og gagmay nga abrasion ug laceration sa iyang tuo nga tuhod ug tuo nga buolbuol.
Alas 6:43H, gihatagan dayon ang pasyente og first aid. Giatiman ang mga samad pinaagi sa direktang pagpisil aron mapugngan ang pagdugo, paghinlo sa apektadong bahin gamit ang sterile solution, ug pagbutang og hustong dressing.
Alas 6:45H, gisukod ug girekord ang vital signs sa pasyente: BP 120/90 mmHg, PR 97 BPM, RR 18 cpm, temperature 36.5°C, ug SpO₂ 97%.
Alas 6:47H, nasuta nga stable ang kahimtang sa pasyente. Human makontrol ang pagdugo, girekomendar sa responding personnel nga magpa-check-up pa sa usa ka medical facility alang sa dugang nga medical evaluation. Gitanyagan usab siya og transportasyon ngadto sa labing duol nga medical facility, apan mibalibad ang pasyente sa transportasyon.
Nagpadayon ang BFP sa paghatag og paspas ug hustong first aid isip kabahin sa ilang serbisyo sa pagpanalipod ug pagtabang sa komunidad panahon sa mga medical emergency.(IKEN B. GULLEM)
Source: BFP R9 Sinuyak Sub fire station