Gipahigayon sa Liloy Municipal Police Station, uban sa PNP Zamboanga del Norte 2nd Provincial Mobile Force Company, Local Disaster Risk Reduction and Management Office sa Liloy, ug Bureau of Fire Protection Liloy, ang Simulation Exercise o SIMEX alang sa active shooter response sa Compra National High School.
Gipakita sa maong drill ang tactical response sa kapulisan ug SWAT Team, paspas nga emergency call ug dispatch coordination, pagseguro sa palibot sa patrol units, ingon man ang pagtambal ug pag-evacuate sa mga simulated victims sa mga medical responders. Gitumong usab sa ehersisyo ang pagpakita sa hustong koordinasyon sa mga responder atol sa simulated emergency.
Gipasalamatan usab si Sir Charlie A. Pescadero, EMD ug School Principal sa Compra National High School, ang faculty ug staff nga misuporta sa kalihokan, ug ang mga estudyante nga aktibong miapil sa drill.
Pinaagi sa maong SIMEX, napalig-on ang inter-agency coordination ug kahandaan sa mga ahensya sa pagresponde sa emerhensiya, isip kabahin sa paningkamot nga mapalambo ang kaluwasan sa mga eskwelahan ug komunidad.(JENIFFER JR. DELICA)
Source: Liloy Municipal Police Station