Padayon nga gipalig-on ni Mayor Glen Yu ang mga inisyatiba sa panglawas ug emerhensiya pinaagi sa tulo ka adlaw nga Basic Life Support ug Cardiopulmonary Resuscitation (BLS-CPR) ug Standard First Aid (SFA) training nga gipahigayon sa lungsod sa Sergio OsmeƱa Sr., Zamboanga del Norte gikan niadtong Agosto 26 hangtod 28, 2025.
Ang pagbansay nagtumong sa pagpalambo sa kahibalo ug kahanas sa Quick Response Team (QRT) ug gipangulohan sa Sergio OsmeƱa Sr. Infirmary Facility (SOSIF), uban ang pakig-partner sa Provincial Health OfficeāZamboanga del Norte Medical Centerās Health Emergency Management Services (PHO-ZNMC HEMS).
Gipangulohan ang sesyon sa mga instruktor nga sila si Rommel C. Jamolod gikan sa PHO nga kasamtangan nga nadetalye sa SOSIF, uban nila si Ralph Kevin J. Agustin, Kimberly L. Ko, ug Geiron Barry N. Hampac, tanan gikan sa ZNMC. Ang ilang kahanas ug eksperyensya naghatag sa praktikal nga pagbansay ug pagtudlo sa mga lokal nga responders.
Sa pagbukas sa programa, gipadayag ni Mayor Yu ang iyang dakong pasalamat kang Governor Daryl Dexter T. Uy sa padayon nga suporta sa lungsod. Gipasabot usab niya ang kaimportante sa panaghiusa aron masiguro ang mas episyenteng serbisyo medikal ilabi na sa mga hilit nga lugar.
Sumala kang Dr. Arjay A. Lao, Chief of Hospital sa SOSIF, ang training nagtumong sa pagpalambo sa kahibalo, kahanas, ug hiyas sa mga QRT responders aron mas epektibo silang makamao sa pagdumala, pagdala, ug pagpreserbar sa kinabuhi sa mga pasyente sa emerhensiyang sitwasyon, labi na sa mga lisod maabot nga barangay.
Pinaagi sa maong pagbansay, gipakita ni Mayor Yu, ang hugot nga komitment sa iyang administrasyon sa pagtukod ug lig-on ug andam nga healthcare system. Uban sa estratehikong pagbansay, panaghiusa, ug aktibong pagpangagamhanan, ang Sergio OsmeƱa Sr. nagpadayon sa pagpamatuod nga modelo kini nga lungsod sa emergency preparedness ug inobasyon sa health service.(Jumalisa Papa)
Source: ZNPNN