30.9 C
Manila
Friday, March 29, 2024

Dipolog: Mayor Uy Nanghatag Og Maagang Pamasko Sa Brgy. San Jose

- Advertisement -

Taliwala sa maot nga panahon ug pagbunok sa ulan, nanghatag gihapon si Mayor Darel Dexter T. Uy og food packs didto sa Brgy. San Jose ning dakbayan sa Dipolog kaganinang buntag, Oktubre 22 ning tuiga.

Kini alayon sa selebrasyon sa Cooperative Month ning bulan sa Oktubre nga dunay temang “Kooperatibang Matatag: Tumutugon sa mga Hamon, Daan sa Pagbangon, Nagbibigay Pag-asa sa Makabagong Panahon!”

Sa pagtambayayong sa kagamhanang lokal sa Dipolog pinaagi sa City Cooperative Development Office ug sa City Cooperative Development Council, gipahigayon ang programang “Maagang Pamasko Mula sa mga Kooperatiba”, diin target niini nga mahatagan og food packs ang 300 ka pamilya sa Brgy. San Jose.

Atol sa hamubong programa nga gipahigayon, gi-awhag ni Mayor Uy ang mga lumulupyo nga magpa bakuna alang sa proteksiyon batok sa COVID-19 samtang gidasig usab niya nga magkugi sa pagpananum, ilabina kay nakita sa batan-ong mayor nga naka-ani na og sinakong monggos ang mga miyembro sa eGBU (enhanced Gasang Bahandianon sa Umahan) nga programa usab ni Gov. Roberto Y. Uy sa kagamhanang probinsiyal. Dugang niini, nga gawas nga madugangan ang kita, makatabang usab ang pagnananum alang sa maayong panglawas tungod kay, matod niya, kon dili maglihok-lihok ang tawo, maluya kini, busa usa usab kini ka matang sa pag-ehersisyo.

Ang mga food packs gilangkuban sa tulo (3) ka kilong bugas, mga de lata, noodles, sabon, gatas, asukar, kape ug uban pa.

Nasayran nga matag tuig, ang kagamhanang lokal sa Dipolog ug City Cooperative Development Council mohimo niining nasangpit nga kalihukan sa lain-laing mga barangay isip pag selebrar sa Cooperative Month.

Mitambong sa pagpanghatag og sayo nga pinaskohan sila si Mayor Darel Uy, City Cooperative Development Officer, Elena Doris R. Sarande, San Jose Punong Barangay Ester Obnimaga, pipila ka personahe sa kagamhanang lokal ug mga lumulupyo sa nahisgutan nga barangay.

(Source: Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -