Si Mayor Roberto Y. Uy mitambong uban sa mga higala ug bisita sa Pamilya Montaño atol sa pagbukas ug panalangin sa bag-ong 7/11 Convenience Store nga nahimutang sa Malvar Street, Central Barangay, ning dakbayan sa Dipolog, kagahapon, Septeyembre 12, 2025.
Gipasiugdahan sa seremonya ang ribbon-cutting ug panag-ampo nga nagtimaan sa opisyal nga paglansad sa tindahan. Ang maong pagbukas nagpasabot sa pag-abot sa usa ka dugang oportunidad sa negosyo ug kahamugaway para sa mga residente sa Dipolog, ilabi na kay ang tindahan magbukas ug magserbisyo 24 oras matag-adlaw (24/7) aron makatubag sa panginahanglan sa komunidad.
Matod sa mga opisyales ug bisita, ang pagtukod sa maong tindahan nagpakita sa padayon nga paglambo sa sektor sa negosyo sa syudad ug sa suporta sa lokal nga kagamhanan alang sa pagpasiugda sa mas daghang pamuhunan nga makahatag og trabaho ug serbisyo sa katawhan.
Mipadayag usab ang Mayor sa iyang pagpasalamat sa Pamilya Montaño sa ilang inisyatibo ug kontribusyon sa lokal nga kalambuan pinaagi sa pagdala sa brand nga 7/11 sa Central Barangay.(Jumalisa Papa)
Source: Dipolog City Government
