DAVAO CITY – Nagpahigayon dayon ug road clearing ug cleanup operations ang mga team gikan sa City Engineer’s Office (CEO), City Environment and Natural Resources Office (CENRO), City Disaster Risk Reduction and Management Office (CDRRMO), ug ASU human gibahaan ang pipila ka lugar sa Davao City niadtong Sabado sa gabii.
Ang pagbaha tungod sa kusog nga ulan nga nakapahibubo sa mga sapa ug suba hangtod nga mibaha sa mga kasikbit nga lugar. Aron masiguro ang kaluwasan sa publiko, gipahigayon usab dayon ang preemptive evacuation sa mga apektadong residente.
Nagsugod na sa pagkunhod ang lebel sa tubig mga alas-11:00 sa gabii, Septyembre 13, hinungdan nga nakabalik na sa ilang panimalay ang mga na-displace nga residente. Kumpirmado sa mga otoridad nga walay naitalang casualty.(Camille Santos Naraga)(Source: Mayaw Davao)