Human dayon sa flag raising ceremony, gipangulohan ni Mayor Evelyn “Belen” T. Uy ang unang Executive Meeting sa City Government of Dapitan alang sa tuig 2026 nga gipahigayon sa City Amphitheatre, isip lig-on nga pagsugod sa bag-ong tuig sa panggobyerno.
Atol sa miting, gipadayag sa mayor ang mga prayoridad nga proyekto ug direksyon sa administrasyon, ug giablihan ang diskusyon uban sa mga department ug office heads bahin sa mga isyu, kabalaka, ug planong kalihukan sa matag buhatan. Gitambongan usab kini ni OIC–City Administrator Danilo S. Areños Jr., nga mituki sa mga inisyal nga lakang ug administratibong aksyon sa siyudad aron matubag ang mga gipadayag nga concern.
Himoon na karon nga regular nga plataporma ang Executive Meeting sugod 2026 aron mas masubay ang mga proyekto, masulbad dayon ang mga isyu, ug mapalig-on ang koordinasyon tali sa mga buhatan, isip kabahin sa padayon nga paningkamot sa City Government of Dapitan sa maayong pagdumala, transparency, ug episyenteng serbisyo publiko.(JENIFFER JR. DELICA)