Padulong mahimong sunod nga eco-tourism destination sa probinsya ang matahum nga Mate Falls sa Brgy. Mate human gipahigayon ang duha ka adlaw nga consultation meeting alang sa pagpanalipod ug hapsay nga pagdumala sa maong lugar ug sa Dapatan River Watershed.
Naghiusa ang CENRO-Manukan, LGUs, mga ahensya sa gobyerno, ug local stakeholders aron himuon ang Inland Wetland Management Plan nga magsilbing blueprint sa konserbasyon ug sustainable development sa Mate Falls.
Gihisgutan sa maong tigum ang importansya sa pagpanalipod sa kinaiyahan samtang giandam usab ang lugar isip posibleng eco-tourism site nga makahatag og dugang oportunidad sa ekonomiya sa mga komunidad nga naapil sa watershed area.
Lakip sa mga prayoridad nga gipunting mao ang watershed protection, environmental conservation, responsible tourism, ug paglikay sa mga kalihokan nga mahimong makadaot sa natural ecosystem sa falls ug suba.
Giduso usab sa mga partisipante ang mas lig-on nga partisipasyon sa komunidad ug environmental awareness aron maseguro nga mapreserbar ang katahum sa Mate Falls bisan pa sa umaabot nga tourism development.
Ang tanang rekomendasyon ug datos nga natigom gamiton isip pundasyon sa komprehensibong management plan nga maggiya sa dugayng proteksyon ug kalamboan sa usa sa gitan-aw nga brilyante sa turismo sa Zamboanga del Norte.(JENIFFER JR. DELI