Masusi nga monitoring ang gipahigayon sa mga personahe sa Dapitan City Fire Station sa mga nag unang lugar sa Dapitan, kaniadtong Marso 31,2026, subay sa pag-obserbar sa Semana Santa 2026 aron masiguro ang kaandam ug diha-diha nga pagtubag sa bisan unsang mga panghitabo.
Ang maong mabinantayong pagmonitor gihimo pinaagi sa
pagpangulo ni FINSP ROMMEL M ROJAS, REE, Acting City Fire Marshal uban sa mga personahe niini.
Tumong niini mao ang mapadayon ang kalinaw ug kahusay, ingon man aron malikayan ang sunog ug uban pang mga emerhensya sa mga estratehikong lokasyon sama sa mga simbahan, mga lugar nga panagtapok sa publiko, ug dagkong mga dalan.
Pinaagi niini nga koordinasyon ug situational awareness,mapasiugda ang pagpanalipod sa mga residente ug bisita sa tibuok Semana Santa.
Usa ka pagpakita sa dili matarug nga pasalig sa mga personahe sa pagsuporta ug pagsiguro sa kaluwasan sa publiko sa pagkab-ot sa usa ka solemne, malinawon, ug luwas nga Kuwaresma.(MEDALYN U. BORJA)
Source: BFP R9 Dapitan City Fire Station