Malampusong napahigayon ang usa ka Mangrove Planting Activity didto sa Barangay San Pedro, Dapitan City, Zamboanga del Norte, pinaagi sa mga personahe sa Coast Guard Station (CGS) Zamboanga del Norte, uban sa Operational Control Units niini, ang 315th Philippine Coast Guard Auxiliary (PCGA) Squadron, ug On-the-Job Training Criminology Students gikan sa Jose Rizal Memorial State University, niadtong Oktubre 8,2025.
Mikabat sa 700 ka mangrove propagules ang malampuson nga natanom, nga may kalaparon nga gibana-bana nga 1,500 square meters.
Tinguha niini nga mapataas pa ang kahibalo kabahin sa kinaiyahan ug pagpalambo sa aktibong partisipasyon sa komunidad sa lokal nga mga paningkamot sa konserbasyon.
Tumong nga mapanalipdan sa mga komunidad sa kabaybayonan gikan sa erosion ug storm surge, pagpalambo sa marine biodiversity, ug pagtampo sa climate change mitigation pinaagi sa carbon sequestration.
Kini nga inisyatiba nagpakita sa padayon nga pasalig sa Philippine Coast Guard sa pagdumala sa kinaiyahan ug kalig-on sa komunidad.(Medalyn U. Borja)
Source: CGS Zambonga del Norte