Pormal nang gipatuman sa Probinsya sa Zamboanga del Norte ang Executive Order No. 39 nga nagmando sa paggamit og calibrated decibel meter aron tukma nga masukod ang kasaba sa mga motorsiklo ug sakyanang adunay improvised muffler.
Ubos sa direktiba ni Darel Dexter Uy, gitakda sa 99 decibels ang maximum allowable noise level. Nagpasabot kini nga dili mahimong dakpon o kumpiskahon dayon ang sakyanan kon walay pormal ug eksaktong pagsukod gamit ang sound meter.
Gipalig-on usab sa maong polisiya ang transparency sa implementasyon pinaagi sa pagmando nga ipakita sa traffic enforcer ang digital reading sa device atol sa inspeksyon aron malikayan ang sayop nga pagdakop ug masiguro ang patas nga pagpatuman sa balaod.
Sumala sa probinsyal nga gobyerno, tumong sa lakang nga mapahapsay ang kahimtang sa mga komunidad samtang ginapanalipdan usab ang katungod sa mga motorista pinaagi sa standard ug makiangayon nga proseso.(IKEN B. GULLEM)
Source: Zamboanga del Norte Provincial News Network