27.2 C
Manila
Friday, March 29, 2024

Dipolog: Mais binhian sa Barangay Program, ilusad sa OPAG

- Advertisement -

Nakatakdang ilusad sa Office of the Provincial Agriculturist kon OPAG sa Zamboanga del Norte ang Mais Binhian Program sa Barangay. Mao kini ang gibutyag ni Ms Maybel Bustalino, ang Provincial Agriculurist ning lalawigan sa Zamboanga del Norte.

Visit RPN DXKD Dipolog

Ang maong programa nahunahunaan ni Ms. Bustaliño gumikan sa nakitang pagmahal sa mga farm inputs kon panginahanglanon sa pagpanguma sama sa binhi, abono ug uban pa, dili lamang dinhi sa Zamboanga del Norte, kon dili hangtud na usab sa ubang bahin sa nasod.

Ilalom sa programa, maghimo ug uma ang lalawigan nga mahimong tinubdan sa binhi sa mais nga gamiton sa mga mag-uuma ning lalawigan sa Zamboanga del Norte. Katambayayong sa OPAG ning maong programa ang nagkalain-laing kagamhanang-lokal, City ug Municipal Agriculturist Office sa mga siyudad ug kalungsuran sa Zamboanga del Norte.

Sumala sa data nga nakuha sa OPAG gikan sa Philippine Statistics Auhority kon PSA, gikan sa 2018-2021, ang average nga 39,167.6 nga hektaryang kaumahan sa Zamboanga del Norte nga gipugsan ug mais mitala ug produksyon nga 53,998.62 ka tonelada nga katumbas sa 1.38 metriko tonelada matag hektarya.

Sa maong gilapdon sa kaumahan, 35,862.85 ka hektarya niini nga gipugsan ug mais nga puti kon white corn mitala ug average nga produksyon nga 49,368.73 metriko tonelada nga katumbas sa 1.38 metriko tonelada matag hektarya.

Samang ang yellow corn nga gipugas sa 3,304 ka hektarya aduna lamay average production nga 4,629.89 ka metriko tonelada nga katumbas sa 2.12  metriko tonelada matag hektarya.

Ang Mais Binhian sa Barangay Program maoy usa ka project component sa Agricultural Extension Program nga usa ka localized seed banking and Exchange Program.

(Source: Provincial Information Center Zanorte Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -