Tingkagol karon sa prisohan homan masikop sa gikasa nga operasyon sa mga personahe sa kapulisan ang usa ka 32 anyos nga mag-uuma pasado alas 5:00 ang takna sa hapon, Marso 18, 2025 didto sa Brgy. Labakid, Jose Dalman, Zamboanga del Norte.
Ang dinakpan naila nga si Dionesio Cancamo Gunom Jr,32 anyos, lalaki, ulitawo, mag-uuma ug residente sa nasangpit nga Barangay, kinsa gidakop pinaagi sa Jose Dalman MPS tungod sa kasong Act of Lasciviousness in Relation to R.A 7610 nga pinirmahan ni Presiding Judge MUNDLYN GEONZON MISAL-MARTIN sa RTC, 9th Judicial Region, Sindangan, Zamboanga Del Norte pinetsahan Marso 13,2025 nga adunay girekomendar nga piyansa nga mobalor sa P80,000 alang sa iyang temporaryong kagawasan.
Ang dinakpan anaa na karon sa kustodiya sa Jose Dalman MPS alang sa tukmang disposasyon. (Medalyn U. Borja)
(Source: ZNPPO)