Paglig-on sa kampanya batok sa ilegal nga droga maoy sentro sa gihimong Municipal Anti Drug Abuse Council (MADAC) visitation, Focus Group Discussion, ug Meet & Greet nga gipahigayon sa lungsod sa Godod, ubos sa liderato ni PCOL Jimmy M. Laguyo, Provincial Director sa Zamboanga del Norte Police Provincial Office.
Ang kalihokan inubanan nila PCPT Charlot M. Lapiz, Assistant Chief sa Police Community Affairs and Development Unit (PCADU), PCPT Ricky O. Acas, Officer-in-Charge sa Godod Municipal Police Station, ug mga lokal nga opisyal.
Gikatuki sa panagtigom ang mga nag-unang programa sama sa Barangay Drug-Clearing Program, Community-Based Drug Rehabilitation, ug Balay Silangan Reformation Program nga nagtinguha sa pagpabilin sa kalinaw ug kahapsay sa komunidad.
Ang maong paningkamot usa ka tinagsa nga panaghiusa sa kapulisan, lokal nga gobyerno, ug komunidad aron mapakusgan ang kooperasyon batok sa ilegal nga droga ug kriminalidad, ug mapanalipdan ang katawhan sa Zamboanga del Norte.(Iken B. Gullem)
Source:Zamboanga del Norte Police Provincial Office