Mabulukong napahigayon ang Sinulog Festival 2024 sa Gymnasium, La Libertad, Zamboanga del Norte, gipanguluhan sa liderato ni Mayor Liza M. Mejias, Vice-Mayor Romeo Mejias kagahapong adlawa sa ala 1:00 sa hapon Enero 26, 2024.
Ang maong Sinulog Festival 2025 gisugdan kini sa street dancing ug parada sa alas 9:30 sa buntag diin gilangkuban kini sa pipila ka barangay ug mga parokya nga misalmot sa maong kalihukan diin gipaluyuhan sa Simbahang Katoliko uban sa ilang Parish Priest Fr. Bryan Lumentac ingon man sa LGU LA LIBERTAD ning probinsya sa Zamboanga del Norte.
Mipahayag si Mayor Mejias nga ang maong Sinulog Festival usa ka mahinungdanun nga event isip Katoliko ang paghalad sa atong kaugalingon sa Balaang Batang nga si Señor Santo Niño,nga kitang tanan angay ng magkahiusa sa pag ampo tungod kay karon panahona dili na gayud tiaw ang mga katalagman diin aduna nay dili maayong mga talimad-on sa atong nasud nga kinahanglan na sa pag ampo matag usa kanato.Matud pa ni Mayor Mejias nga ang maong Sinulog Festival wala kini nila gipaagi ug pa contest kay wala kini ga aghat sa natad sa turismo, ang gusto lamang sa maong lungsod ang paghalad lamang sa balaang Señor Santo Niño sa ilang kaugalingon timaan sa ilang pagka Kristyanos.
Dugang pa anaa usab ang mga Konsehales ug ubang mga opisyales sa Lungsod sa La Libertad ug mga kaubang Media practitioners nga misaksi sa mga maanindot nga pasundayag nga gipakita sa matag barangay nga nakapa bibo ug samot
sa mga manan-away.
Mapasalamaton usab ug daku ang grupo sa mga Media nga gipanguluhan usab ni Miss Mischelle Bala ZNPPO President ngadto kang Former SB Member Ben Omalsa Vice-Chairman, Sinulog 2025, Risen Christ Parish, ingon man sa kang Mayor Mejias ug kang Vice- Mayor Mejias, sa maayong akomodasyon.
Natapos ang maong Sinulog festival pinaagi sa paghatag ug mga certificate isip pahalipay sa mga misalmot diin mabulokong natapos kini ug gikalipay ug daku sa tanang katawhan sa La Libertad, Zamboanga del Norte. (Angelica T. Obina)