Didto sa Dipolog City Jail-Male Dormitory, gipanguluhan mismo ni Jail Warden JCINSP ARVIN DAN R AGUITO ug pinasidungang dinapit si City Mayor Darel Dexter T. Uy, apan pakyas kining nakatambong tungod sa mga kakulian, isip representate anaa si Konsehal Praxides Rubia isip hulip kang Mayor Uy nga mihatag usab ug mga mensahe. Anaa usab ang mga dinapit nga Departamento ning dakbayan ang Department of Science and Technology (DOST- IX), Mr. Nuhman Aljani, TESDA, Department of Trade and Industry, Provincial Director Manuel U Calibo at Dicayas Barangay Captain Hon. Danilo C. Jebone.
Atol sa gipahigayon nga programa ang mga sakop sa media diin isa sa mga dinapit usab sa maong programa,mipahigayon ug interbyo sa mga opisyales isip paghatag ug katin awon mahitungod na sa bag ohay lang nga gi buksan nga BEHIND BARS BAKERY diin ang mga sakop sa PDLs ang naghatag ug katumanan sa maong Livelihood matag usa kanila nga sila ra usab makabinispisyo.
Matud pa gilangkuban kini sa 50 ka PDLs nga maoy nagalihok sa nahisgutang bakery. Dili usab kini magmalampuson kun wala ang dakung tabang sa DOST-IX ingon man ni City Jail Warden JCINSP AGUITO inubanan ni SJO2 Llara G Ortiz Chief Welfare and Development ug sa mga personahe sa BJMP DIPOLOG CITY JAIL MALE DORMITORY. Saysay pa ni SJO2 Ortiz mihatag usab si Mayor Allen Ferrater ug wife Mrs. Rachel Ferrater, Konsehal Gesor “Bugoy” Dalman ug gikataho usab nga adunay sakop sa PDLs ang midonar usab pro dili na gustong ibutyag pa ang pangalan.
Ang Jail warden nagahangyo sa mga kaigsuonan nato ning dakbayan nga unta supportahan sa tanan ang maong programa tungod kay daku na kaayo ning tabang sa mga PDLs aron aduna silay paningabuhian mintras anaa pa sila sa sulod diin nagpaabot sa ilang kagawasan nga mahuman ang ilang kaso nga giatubang ilabina kadtong way mga dalaw o mga mahal sa kinabuhi nga maglisod intawon sa pagduaw ilabina sa kalisod sa paningabuhian sa gawas.
Matud pa kung sikinsa man gani ang gusto mo-order pwede mo mokontak sa ilang page aron ila kamo nga ma deliveran sa usa sa mga in-charge sa personahe sa BJMP. (Angelica T. Obina)