Gipasidunggan ang Municipality of Mutia human makadawat sa Exceptional Performance Award atol sa Regional EPIC Awards 2025, isip pag-ila sa ilang kamaayu sa disaster risk reduction and management.
Ang pasidungog gipahinungod sa liderato ni Mayor Lorrymir S. Adasa ug sa padayon nga paningkamot sa Municipal Disaster Risk Reduction and Management Office sa Mutia nga gipangulohan ni Joseph Cabilin, sa pagpalig-on sa kahandam, kaluwasan, ug kalig-on sa komunidad.
Matod sa LGU Mutia, ang maong kalampusan nagpamatuod sa ilang panindugan sa pag-alagad alang sa kaayohan sa matag Mutiaanon, ilabina sa pag-atubang ug pagpugong sa mga katalagman.(JENIFFER JR. DELICA)
Source/Photo Courtesy: Mutia Lgu Mio