DAVAO CITY – Gipangulohan sa Davao City Police Office (DCPO) ni Acting City Director PCOL Mannan C. Muarip ang luwas ug hapsay nga pag-obserbar sa unang adlaw sa Misa de Gallo pinaagi sa pagtaas sa police visibility ug estratehikong deployment sa mga personnel sa nag-unang mga parokya sa siyudad.
Ang operasyon sa seguridad mitutok sa 43 ka simbahan, lakip na ang San Pedro Cathedral ug uban pang importante nga parokya, diin gibanabana nga miapil ang 45,980 ka katao sa pagsugod sa siyam-ka-adlaw nga tradisyon. Ang malinawon nga pagtigom nakab-ot pinaagi sa higpit nga koordinasyon tali sa DCPO, local government units, partner agencies, parish volunteers, ug sa komunidad.
Personal nga gisuperbisyun ni PCOL Muarip ang mga patrol, gi-inspeksyon ang mga security posts, ug gi-direktahan ang mga yunit nga palig-onon ang police presence, pagdumala sa trapiko, ug magpabilin nga alerto batok sa posible nga hulga. Gipatibay niya ang komitment sa DCPO sa pagpanalipod sa mga katawhan sa Misa de Gallo, nga gi-emphasize nga ang kalinaw ug kaayohan usa ka responsibilidad nga gipaambit sa kapulisan, lider sa simbahan, ug publiko. (Camille Santos Naraga)(Source: Contributed)