Personal nga mibisita si Lieutenant Colonel Jimmy P. Sanz, outgoing Battalion Commander sa 97th Infantry Battalion (97th IB), kang Dipolog City Mayor Roberto Y. Uy atol sa iyang exit call didto sa City Mayor’s Office niadtong Oktubre 27, 2025.
Sa maong higayon, gipailaila usab ni LTC Sanz kang Mayor Uy ang bag-ong kumandante, nga si Lieutenant Colonel Jessie G. Bergonia, nga pormal nga motake-over sa puwesto atol sa Change of Command Ceremony karong Nobyembre 7, 2025, sa Headquarters sa 97th IB, Barangay Del Pilar, Piñan, Zamboanga del Norte.
Gipadayag ni LTC Sanz ang iyang pagpasalamat sa suporta sa lokal nga panggamhanan sa Dipolog City sa ilang mga programa ug inisyatibo alang sa kalinaw ug seguridad sa lalawigan. Samtang, gipanghinaut ni Mayor Uy ang padayon nga kooperasyon tali sa 97th IB ug sa siyudad sa pagpadayon sa kalinaw ug kahapsay sa rehiyon.(IKEN B. GULLEM)
Source: Dipolog City Government