Gihisgutan sa Local School Board sa Lungsod sa Rizal ang mga prayoridad ug mga lakang aron mapalambo ang kalidad sa edukasyon atol sa ilang regular nga panagtigom nga gipangulohan ni Mayor Marissa Manigsaca isip chairperson sa board.
Lakip sa mga gihisgutan ang pagpaayo sa mga pasilidad sa eskwelahan, pagdugang og suporta sa sports ug extracurricular activities, pagpalig-on sa mga programang akademiko, ug pag-atiman sa talento, kahanas ug liderato sa mga kabatan-onan.
Gipasiugda usab ni Mayor Manigsaca ang kamahinungdanon sa padayon nga panagtinabangay tali sa lokal nga panggamhanan ug sa sektor sa edukasyon aron masiguro nga ang matag estudyante sa Rizal makadawat og dekalidad nga edukasyon ug mas maayong oportunidad sa umaabot.
Gilauman nga ang mga desisyon ug plano nga napagkasabotan sa Local School Board makatampo sa dugang pagpalambo sa sistema sa edukasyon ug sa kaayohan sa mga estudyante sa Lungsod sa Rizal.(JENIFFER JR. DELICA)
Source: Municipality of Rizal