Gipahigayon sa Municipality of Liloy niadtong nilabay nga adlaw ang groundbreaking ceremony alang sa Tourist Rest Area o TRA, nga nahimong unang Tourist Rest Area nga gipang-groundbreak sa Region IX.
Mitambong sa maong kalihokan sila Municipal Mayor Roberto Lim Uy Jr., Department of Tourism Region IX Regional Director Dara May Cataluña, ug Technical Education and Skills Development Authority Region IX Regional Director Engr. Alan Bacatan. Gipangulohan ang proyekto pinaagi sa pakigtambayayong sa DOT ug Tourism Infrastructure and Enterprise Zone Authority o TIEZA.
Maghatag ang Tourist Rest Area og limpyo nga mga pasilidad sa pagpahulay, lokal nga impormasyon, ug modernong amenities alang sa mga biyahero. Kabahin kini sa mga paningkamot nga mapalambo ang serbisyo ug kasinatian sa mga moagi sa lugar.
Gilauman nga makatampo ang proyekto sa pagpalig-on sa lokal nga turismo ug pagdasig sa pagtubo sa ekonomiya sa rehiyon, ilabi na sa pagdani sa dugang nga mga biyahero ug paghatag og oportunidad alang sa lokal nga turismo.(JENIFFER JR. DELICA)
Source: Municipality of Liloy