Mitanyag ug libreng transportasiyon ang Munisipyo sa Labason, pinaagi sa Public Employment Service Office (PESO), ngadto sa mga construction worker sa Labason alang sa kinahanglang mga personal nga pag adto sa DOLE Liloy Satellite Office kaniadtong Agosto 19,2026.
Tumong sa maong lakang aron mahisgutan ug maklaro ang ilang mga kabalaka kalabot sa trabaho uban sa mga hingtungdan nga kawani sa DOLE usa ka inisyatibo isip suporta sa pasalig ni Hon. Jed Quimbo alang sa kalamboan sa serbisyo publiko nga responsive, dali ma-access, ug nakapokus sa katawhan.
Ang paghatag sa ug transportasiyon, makatabang sa pagpakunhod sa pinansyal nga palas-anon sa mga trabahante, ilabi na niadtong mahimong maglisod sa pagpangita og sakyanan ug pagbayad sa mga galasstohan niini.
Dugang pa ang maong tabang nakapahimo sa mga construction worker nga personal nga makigkita ug makig-istorya sa kawani sa DOLE nga nagdumala, nga nagtugot nga ang ilang mga kabalaka mapresentar, maklaro, ug matubag sa tukma nga opisina sa gobyerno.
Usa ka kasiguradohan nga ang mga trabahante makadawat og direkta ug kasaligan nga impormasyon bahin sa ilang mga kabalaka imbes nga pas-anon ang dugang gasto ug kahasol sa pagbiyahe nga sila ra.
Gipakita sa LGU Labason ug PESO Labason ang ilang pamaagi sa pagpaningkamot nga magpasiugda sa ilang pasalig sa pagdala sa mga serbisyo sa gobyerno nga mas duol sa mga konstituwente.
Ang inisyatibo nagpakita sa padayon nga mga paningkamot sa Munisipyo sa pagtubag direkta sa mga panginahanglan sa mga trabahante, pagpakunhod sa dili kinahanglanon nga mga palas-anon, pagpadali sa pag-access sa tabang ug serbisyo sa gobyerno, ug pagsiguro nga ang mga lehitimong kabalaka bahin sa trabaho matubag sa tukma nga paagi.(MEDALYN U. BORJA)
Source: Peso Labason