Isip kabahin sa kasaulogan sa Ika-75 nga adlaw o kasumaran sa Liloy,usa ka Job Fair ang napahigayon nga gipasiugdahan sa Lokal nga Kagamhanan sa Liloy uban sa pakigtambayayong sa Department of Labor and Employment (DOLE) Region IX subay sa suporta sa agenda sa trabaho ni Presidente Ferdinand R. Marcos Jr. ug sa “Trabaho Agad Initiative” ni Labor Secretary Francis N. Tolentino, alang ngadto sa mga indibidwal nga nangitag trabaho ug oportunidad nga gipahigayon niadtong Agosto 19,2026.
Sa maong kalihokan muabot sa 12 ka nga local employers ug 3 ka mga overseas recruitment agencies, ang nakadani sa dul-an sa 100 ka mga nangita og trabaho diin 17 ang hingpit nga “Hired on the Spot” (HOTS), samtang ang ubang mga aplikante gi-accommodate usab atol sa kalihokan.
Sa samang higayon usa usab ka “Serbisyo Caravan” nga nakaalagad sa kapin-kumulang 1,000 ka mga indibidwal pinaagi sa paghatag og mga serbisyo sa gobyerno gikan sa SSS, Pag-IBIG, GSIS, PhilPost, PhilSys, ug DICT. Ang Mejoarada Law Office naghatag usab og libreng legal nga tabang ngadto sa mga partisipante.
Ang malampusong kalihokan nagpakita sa padayon nga pasalig sa DOLE, ubos sa pagpangulo ni Regional Director Albert E. Gutib, nga dad-on ang mga oportunidad sa trabaho ug serbisyo sa gobyerno nga mas duol sa katawhan, samtang gipalig-on ang pakigtambayayong sa mga lokal nga gobyerno ug mga stakeholders aron makamugna og dugang mga oportunidad alang sa mga mamumuong Pilipino.(MEDALYN U. BORJA)
Source: DOLE Liloy Statillite Office