Nagsugod na usab ang libre nga pediatric medical check-up nga giya sa administrasyon ni Gov. Darel Uy pinaagi sa Zamboanga del Norte Medical Center Medical Team/Outpatient Department karong Nobyembre 22, 2025, aron matutukan ang panglawas sa kabataan sa probinsya.
Ang check-up pagasugdan sa alas 8:00 sa buntag ug limitado lamang sa 30 ka bata, pinaagi sa first come, first served nga proseso.
Ang serbisyo pangulohan ni Dr. Noel Astrologo, MD, FPSPS, usa ka pediatric specialist nga maghatag ug libre nga konsultasyon alang sa mga pasyente. Gilauman nga makatabang kini sa pagsiguro sa maayong kahimsog sa kabataan sa Zamboanga del Norte.
Alang sa dugang detalye, gidasig ang mga ginikanang interesado sa maong serbisyo nga mobisita sa ZNMC Medical Team Office o sa OSAC sa ikaduhang andana sa Capitolyo.(IKEN B. GULLEM)
Source: Zamboanga del Norte Provincial News Network