DIPOLOG CITY — Nagpahigayon og libreng medical outreach ang Niño Anthony Ponce de Leon Medical Services and Pharmacy sa 1st Zamboanga del Norte Mobile Force Company, nga naghatag og essential healthcare services alang sa mga personnel sa yunit.
Mainiton nga giabi-abi ni PLTCOL Ryan Jay R. Capurcos, Force Commander, ang medical team nga gipangulohan ni Dr. Niño Anthony Carr A. Ponce de Leon. Lakip sa gihatag nga serbisyo ang libreng medical consultation, basic check-ups, ug propesyonal nga health advice aron masiguro ang kahimsog sa mga kapulisan.
Tumong sa inisyatiba nga mapalambo ang physical fitness ug kahimtang sa panglawas sa mga frontliners nga padayon nga nag-alagad sa katawhan. Gipasabot nga ang maayong kahimsog maoy pundasyon sa epektibong pagserbisyo.
Ang kalihokan nagpakita sa lig-on nga panag-uban sa medical community ug kapulisan sa pagpalig-on sa public health ug sa kinatibuk-ang kaayohan sa mga nagbantay sa kalinaw ug kahusay sa komunidad.(JENIFFER JR. DELICA)
Source: Zamboanga del Norte 1st Provincial Mobile Force Company