Gipahibalo sa Provincial Government sa Zamboanga del Norte ang libreng medical checkup alang sa mga adunay sakit sa kasingkasing ug baga, lakip na ang mga pasyenteng nagkinahanglan og fistula para sa dialysis, nga ipahigayon karong Abril 28, 2026 sa ZNMC Outpatient Department sugod alas 8 sa buntag.
Gipahigayon ang maong medikal nga misyon pinaagi sa One Stop Assistance Center ug ZNMC Medical Team aron mapaduol ang espesyal nga serbisyo panglawas sa mga residente sa probinsya.
Mokuyog sa kalihokan ang mga espesyalistang doktor nga sila Dr. Michael Burdador ug Dr. Paolo Martin Serios aron motan-aw ug mohatag og konsultasyon sa mga pasyente nga target sa programa.
Gidasig ang mga interesadong pasyente nga moduol sa Zamboanga del Norte Medical Center Medical Team Office o sa OSAC Medical and Health Referral aron makakuha og dugang impormasyon sa rehistrasyon ug mga kinahanglanon.(JENIFFER JR. DELICA)