Magpahigayon og libreng neuro ug spine surgery consultation ang Zamboanga del Norte Medical Center karong Agosto 4 aron mahatagan og espesyal nga serbisyong medikal ang mga residente sa Zamboanga del Norte.
Ang konsultasyon pagadumalaon ni Dr. Alain Salloman, usa ka neuro ug spine surgeon, sa Out-Patient Department sa Zamboanga del Norte Medical Center sa Dakbayan sa Dipolog sugod alas-1:00 sa hapon.
Kabahin kini sa padayon nga medical program sa Probinsyal nga Panggamhanan aron mapadali ang pag-abot sa espesyalistang serbisyo ngadto sa mga pasyenteng nagkinahanglan og ebalwasyon ug tambag medikal.
Giawhag ang mga interesado nga magparehistro pinaagi sa OSAC Center sa Provincial Capitol o moduol sa ZNMC Medical Team alang sa dugang impormasyon ug giya.(JENIFFER JR. DELICA)
Source: Zamboanga del Norte Medical Team