RIZAL, ZAMBOANGA DEL NORTE — Nagpahigayon og clean-up drive ang Local Government Unit of Rizal sa creek sa Eco-Park isip kabahin sa pagsaulog sa World Water Day.
Gisalmotan kini sa mga empleyado sa LGU nga nagtinabangay sa paglimpyo sa palibot ug sa pagpanalipod sa mga katubigan sa lungsod.
Ang maong kalihokan nagtumong sa pagpalig-on sa kahibalo sa komunidad sa kahinungdanon sa limpyo nga tubig ug sa responsableng pag-atiman sa kinaiyahan.
Padayon nga gidasig sa LGU ang katawhan sa pag-apil sa mga inisyatibo nga makatabang sa pagpreserbar sa kinaiyahan ug sa pagmintinar sa limpyo ug luwas nga palibot.(JENIFFER JR. DELICA)
Source: Municipality of Rizal