Malampusong gihimo ang laparoscopic cholecystectomy o gallstone surgery sa 23 ka pasyente sulod sa duha ka adlaw sa Zamboanga del Norte Medical Center, gamit ang modernong medical equipment aron masiguro ang tukma ug luwas nga operasyon.
Ang maong pamaagi gigamitan og laparoscope o camera system nga naghatag og klarong hulagway sa sulod sa lawas, nga gi-monitor sa mga surgeon pinaagi sa high-definition screen aron mas precise ang ilang lihok samtang nag-operate.
Tungod sa paggamit sa “minimally invasive” nga teknolohiya, napakunhod ang risgo sa operasyon ug napaspas ang recovery sa mga pasyente, nga nagpasabot nga dali silang makabalik sa ilang adlaw-adlaw nga panginabuhi.
Nagpakita kini sa padayon nga paningkamot sa probinsya sa paghatag og dekalidad ug accessible nga serbisyong panglawas pinaagi sa modernong teknolohiya ug eksperyensyadong medical team.(JENIFFER JR. DELICA)
Source: Zamboanga del Norte Provincial News Network