Malampusong gipahigayon sa Municipality of Piñan ubos sa liderato ni Mayor Rommel I. Gudmalin ang Tourism Awareness Orientation uban sa partisipasyon sa Tourism Office staff ug tourism stakeholders gikan sa nagkalain-laing barangay sa lungsod.
Ang maong kalihokan nagtumong sa pagpalig-on sa kahibalo sa komunidad bahin sa turismo, pagdasig sa kooperasyon sa mga stakeholders, ug pagpalambo sa potensyal sa Piñan isip usa ka emerging tourism destination sa probinsya.
Gipasalamatan usab sa lokal nga panggamhanan si Governor Darel Dexter T. Uy ug ang Provincial Tourism Office sa Zamboanga del Norte alang sa ilang padayon nga suporta sa mga tourism programs ug sa pagdala sa maong orientation ngadto sa lungsod.
Sumala sa mga opisyal, dako og papel ang panaghiusa sa lokal nga panggamhanan ug tourism stakeholders aron mas mapromote ang kultura, katahum, ug mga oportunidad sa turismo sa Piñan nga makahatag usab og dugang panginabuhian sa katawhan.
Ang maong orientation usa ka lakang padulong sa mas organisado, aktibo, ug malungtarong turismo nga gilauman makatabang sa dugang kalamboan sa lungsod.(JENIFFER JR. DELICA)
Source: Piñan Tourism Culture and Arts